Pacolli vizitoi ish-krerët e UÇK-së në Hagë: Të bindur në pafajësinë e tyre

19:10 | 20 Tetor 2023
K.B

Kryetari i Aleanca Kosova e Re(AKR) Behgjet Pacolli, ka vizituar ish-krerët e Ushtrisë Çlirimtare të cilët po mbahen në paraburgim në Hagë.

Lajmin e ka bërë të ditur Jetlir Zyberi, këshilltar i kryetarit të AKR-së, me anë të një postimi në Facebook.

“Bashkë me presidentin Behgjet Pacollin vizituam shokët tanë, ish luftëtarët e UÇK-së që po ballafaqohen me padrejtësi tash e tri vite. Vizita jonë ishte e karakterit miqësor siç ishin të gjitha vizitat e deritanishme”, ka shkruar Zyberi.

Tutje ai shkruan se janë të bindur në pafajësinë e tyre dhe në luftën e drejtë të popullit tonë për liri.

“Jemi të bindur në pafajësinë e tyre dhe në luftën e drejtë të popullit tonë për liri. Jemi të bindur që fabrikimet e Serbisë dhe veglave të tyre, përkundër vuajtjeve në fund do të dështojnë”, ka shkruar ai tutje.

Zyberi ka thënë se drejtësia do të triumfojë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm